Matreiðslumaðurinn Úlfar Finnbjörnsson sér um sjónvarpsþáttinn Eldað með Holta á ÍNN. Þar eldar hann ljúffenga rétti úr Holtakjúklingi fyrir áhorfendur.
Þættinir eru auk þess aðgengilegir á Hjarta TV hér á hjartalif.is auk þess sem hægt er að fara beint í uppskriftarsafn Holta hér.
Í uppskrift vikunnar frá Holta-kjúklingi færir Úlfar lesendum uppskrift að Kjúklingalundum í rauðvínssósu með beikoni, lauk og sveppum.
Fyrir 4
3 msk. olía
Salt og nýmalaður pipar
600-800 g kjúklingalundir frá Holta
3 sneiðar beikon í bitum
1 askja sveppir í bátum
2 laukar í bátum
1 tsk. tómatpúrra
1 tsk. timíanlauf
2-3 lárviðarlauf
3 dl rauðvín
1 msk. balsamikedik
Sósujafnari ef með þarf
30 g kalt smjör í teningum
2 msk. steinselja, smátt söxuð
Hitið stóra pönnu með olíu og steikið lundirnar við mikinn hita í 2-3 mínútur eða þar til þær eru fallega brúnaðar allan hringinn. Kryddið með salti og pipar. Bætið þá beikoni, lauk og sveppum á pönnuna og steikið í 2-3 mínútur. Þá er tómatpúrru, timíani, lárviðarlaufi, rauðvíni og balsamikediki bætt á pönnuna og látið sjóða í 4-6 mínútur eða þar til lundirnar eru eldaðar í gegn. Þykkið þá sósuna ef með þarf. Takið þá pottinn af hellunni og bætið smjörinu saman við. Hrærið í með sleif þangað til smjörið hefur bráðnað. Smakkið til með salti og pipar og stráið steinselju yfir. Berið fram með steiktum kartöflum og salati.
Verði ykkur að góðu.
