Minnum á landssöfnun Hjaraheilla sem líkur í dag. Eru landsmenn hvattir til þess að kaupa Hjartanæluna og styðja þannig við margþætta starfsemi Hjartaheilla svo sem forvarnir og ókeypis mælingar á blóðgildum sem hafa sýnt sig að geta bjargað mannslífum.
Árlega koma hundruðir manna í ókeypis mælingar á vegum Hjartaheilla og reglulega í slíkum mælingum hefur tugum manna verið vísað beint til frekari rannsókna. Á hverjum degi deyja að meðaltali tveir Íslendingar af völdum hjarta- og æðasjúkdóma sem oftar en ekki eiga sér erfðafræðilegar skýringar frekar en að þeir séu endilega afleiðingar lífsstíls. Allir ættu því að láta mæla blóðgildi sín reglulega.
Hægt er að kaupa Hjartanæluna á www.hjartaheill.is í verslunum 10/11, Iceland og Bónus í Lyfju, hjá Póstinum og á bensínstöðum N1. Sölufólk mun einnig ganga í hús meðan söfnunin stendur yfir. Nælan kostar 2.000,- kr.
