Þann 30. september verður haldinn Alþjóðlegur hjartadagur í yfir 100 löndum um allan heim. Hjartadagurinn verður haldinn með veglegum hætti á Íslandi í ár af Hjartavernd í samstarfi við Hjartaheill og Neistann, styrktarfélag hjartveikra barna.
Í tilefni Alþjóðlega hjartadagsins verður haldin opin ráðstefna í Salnum Kópavogi þann 27. september sem hefst klukkan 18:00.
Alþjóðlegi Hjartadagurinn er haldinn á Hálsatorgi þann 30. september.
Á hverju ári hefur Alþjóðlegi hjartadagurinn ákveðið þema og í ár er það fjölskyldan og samfélagið sem er ekki að ástæðulausu því það eru yfir 155 milljónir barna of þung eða of feit í heiminum. Með þema dagsins er líka lögð áhersla á að það er sameiginlegt verkefni hornsteina samfélagsins svo sem fjölskyldunnar, skólanna, vinnustaða og félagasamtaka að vinna saman að að því að ala upp heilbrigða einstaklinga sem eiga ekki á hættu að þróa með sér hjartasjúkdóm á fullorðinsárum, sjúkdóm sem hefði verið hægt að koma í veg fyrir með heilbrigðum lífsháttum strax í bernsku.
Ráðstefna í Salnum Kópavogi þann 27. september
Ráðstefna verður haldin fyrir allan almenning í Salnum fimmtudaginn 27. september þar sem ýmsir sérfræðingar halda erindi um helstu áhættuþætti hjarta og æðasjúkdóma. Ráðstefnan hefst klukkan 18:00 og þátttaka ókeypis. Nánar má lesa dagskrána með því að smella hér
Alþjóðlegi hjartadagurinn þann 30. september – Hálsatorgi Kópavogi
Hjartadagshlaupið ( 3, 5 og 10 km). Ræst verður í 3 km hlaupið frá Hálsatorgi klukkan 10:50 en klukkan 11:00 í 5 og 10 km. Í 5 og 10 km er ræst frá Bókasafni Kópavogs á Hálsatorgi. Nánari upplýsingar og skráning í hlaupið er hér.
Hjartagangan hefst klukkan 11:10. Gengið verður um Kópavog undir leiðsögn Björns Þorsteinssonar
11:30 Hjartahreysti-þrautabraut fyrir unglinga á Hálsatorgi – Hoppukastalar fyrir yngstu börnin á Hálsatorgi
Skemmtidagskrá á Hálsatorgi hefst klukkan 13:00
Sveppi kynnir
Hara systur syngja
Kristjana Skúladóttir syngur fyrir börnin lög af plötunni Obbosí
Verðlaunaafhending fyrir Hjartadagshlaupið
Leikarar úr söngleiknum Gretti koma fram
Dagskrá nánar auglýst hér
Stöndum saman og tökum þátt í Alþjóðlega hjartadeginum
www.hjarta.is 17.09.2007
