Nýta má gagnagrunn Landlæknis um lyfjanotkun landsmanna til að fylgjast með þróun lyfjamála en til þess telur embættið þörf á að hann nái 30 ár aftur í tímann. Persónuvernd leggst gegn þessum langa varðveislutíma. Nú nær gagnagrunnurinn 3 ár aftur í tímann.
Í drögum að frumvarpi til lyfjalaga er gert ráð fyrir að stjórnvöld varðveiti upplýsingar um lyfjaneyslu landsmanna í 30 ár, í stað þriggja eins og nú er.
Persónuvernd segir að ekki liggi fyrir hvers vegna þurfi að geyma þessar viðkvæmu upplýsingar svo lengi. Matthías Halldórsson, aðstoðarlandlæknir, segir gagnagrunninn nýtast til að fylgjast með þróun lyfjamála. Síðustu ár hafi verið komið upp sambærilegum gagnagrunnum á Norðurlöndunum og óskað eftir samstarfi við Íslendinga.
www.ruv.is 09.04.2008
