-Auglýsing-

Sóldýrkendur lifa lengur

SólbaðLífslíkur kvenna sem fara í sólbað eru helmingi meiri en þeirra sem forðast sól. Þetta eru niðurstöður nýrrar sænskrar rannsóknar, en frá þessu er sagt á ruv.is.

Vísindamenn við Karolinska-sjúkrahúsið í Stokkhólmi og háskólann í Lundi fylgdust með um þrjátíu þúsund konum í Suður-Svíþjóð á aldrinum 25-64 ára í tuttugu ár. Niðurstöður þeirra birtast í nýjasta tölublaði læknaritsins Journal of Internal Medicine. 

Þátttakendur í rannsókninni voru meðal annars spurðar um sólbaðsvenjur sínar: hvort að þær sóluðu sig á sumrin eða veturna, heimsóttu sólbaðsstofur, eða færu í sólarlandaferðir. Konur sem svöruðu öllum spurningunum neitandi reyndust hafa helmingi minni lífslíkur en þær sem svöruðu játandi á tímabili rannsóknarinnar.

Vísindamennirnir segjast eiga eftir að rannsaka nánar hvaða sjúkdómar gætu skýrt þessa hærri dánartíðni, en segja við sænska dagblaðið Dagens nyheter að þegar sé ljóst að stór hluti kvennanna hafi þjáðst af hjarta- og æðasjúkdómum eða fengið heilablóðfall.

Ein kenning þeirra er að konurnar sem forðuðust sólina hafi þjáðst af d-vítamínskorti, sem valdið getur fjölmörgum sjúkdómum. Önnur kenning er að sólarljósið virkji melatónín-framleiðslu líkamans, sem meðal annars dregur úr hættu á sykursýki.

Við þetta má bæta að samkvæmt þessari frétt sem við birtum hér á hjartalif.is síðastliðið sumar virðast sólböð jafnvel draga úr tíðni hjartaáfaalla.  

Auglýsing
Avatar
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

6 einkenni hjartaáfalls hjá konum

Konur upplifa hjartaáfall ekki alltaf eins og karlar. Konur fá ekki alltaf þessi sömu klassísku einkenni eins og yfirgnæfandi brjóstverk sem leiðir einnig niður...

Hjartaþræðing eftir hjartaáfallið

Nóttin eftir hjartaáfallið var undarleg og svo rann upp nýr dagur þar sem ég átti að fara í hjartaþræðingu. Þá kæmi í ljós hvernig...

Hjartaáfallið

Í dag 9. febrúar voru 18 ár síðan ég fékk alvalegt hjartaáfall. Mistök voru gerð við greiningu mína og meðferð og í kjölfarið fylgdu...

Hjartagangráður

Sumir velta því fyrir sér í hverju gangráður er frábrugðin bjargráð. Meginmunurinn á þessu tvennu er að gangráður er fyrst og fremst notaður ef...

Algengar hjartarannsóknir

Það eru ýmsar rannsóknir sem geta gefið vísbendinu um ástand hjartans og sumar eru einfaldar í framkvæmd eins og blóðprufa svo dæmi sé tekið....

Konur, kvíði og hjartasjúkdómar

Eins ótrúlega og það hljómar þá fara konur oft á tíðum verr út úr hjartavandamálum en karlar og þær virðast stundum lenda í því...
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-