Lést eftir að lögregla greindi sykursýki sem ölvun

Rúmlega sjötugur Breti lést af völdum hjartaáfalls sem hann fékk í fangaklefa eftir að lögregluþjónar greindu annarlegt ástand hans sem mikla ölvun.

Maðurinn þjáðist hins vegar af sykursýki og hafði fengið heiftarlegt sykurfall undir stýri. Drafandi og skjálfandi var farið með hann á lögreglustöð þar sem hann var vistaður í fangaklefa. Þegar sjúklingnum tókst að gera sig skiljanlegan og greina frá ástandi sínu var honum færður bolli af heitu súkkulaði. Hann sofnaði fljótlega eftir það og fékk skömmu síðar hjartaáfall sem dró hann til dauða á sjúkrahúsinu klukkustundu síðar. Ónóg fræðsla lögregluþjóna er talin helsta orsök atviksins.

www.visir.is 20.01.2009