Kjúklingalifrarmousse með rauðlaukssultu er það sem Úlfar Finnbjörnsson matreiðslumeistari býður upp á í forrétt að þessu sinni og geri ég ráð fyrir því að þar sé á ferðinni réttur sem gæli við bragðlaukana. Einnig minni ég á uppskriftavef Holta þar sem allir geta fundið eitthvað girnilegt við sitt hæfi fyrir helgina.
Forréttur fyrir 8-10
-Auglýsing-
- 550 g kjúklingalifur
- 1 dl púrtvín
- ½ dl brandí
- 1 laukur, smátt saxaður
- 2 hvítlauksgeirar, smátt saxaðir
- 1 ½ tsk. timjan
- 1 ½ tsk. marjoram
- 2 tsk. nítrítsalt eða venjulegt salt
- 1 tsk. pipar
- 450 g smjör
Setjið allt nema smjör í eldfast mót og breiðið álpappír yfir. Geymið í kæli í fjórar klukkustundir. Setjið mótið í 150°C heitan ofn í 30-40 mín. eða þar til lifrin er elduð í gegn. Setjið þá allt úr eldfasta mótinu í matvinnsluvél ásamt smjörinu og maukið vel. Færið maukið í fallegt form og kælið.
Berið fram með rauðlaukssultu, ristuðu brauði og salati.
- Auglýsing-
Rauðlaukssulta
- 3 rauðlaukar, skornir í sneiðar
- 2 msk. olía
- 1 tsk. timjan
- 2 lárviðarlauf
- 5 msk. sykur
- 4 msk. balsamedik
- Salt og pipar
-Auglýsing-
