Jojo hinn hjartahlýi trúbador götunnar er að gefa út sinn fyrsta geisladisk með tíu frumsömdnum lögum og textum eftir sjálfan sig undir nafninu “Jojo og götustrákarnir”. Platan er til styrktar málefnum Hjartaverndar og tileinkuð Rúnari Júlíussyni heitnum.
Götustrákarnir sem leika með Jojo á þessari plötu eru valinkunnur hópur íslenskra poppara. Svo sem söngvararnir; Pálmi Gunnarsson, Valgeir Guðjónsson, Páll Rósenkranz, Krummi, Daniel Ágúst og Egill Ólafsson, sem ásamt Jojo flytur lagið “Sál í stormi” og er komið í spilun í útvarpinu.
Líka ber að nefna þá snillinga Gunnar Þórðarson og Magnús Eiríksson sem munda gítarana af snilld. Einnig ljá krafta sína Jóhann Hjörleifsson, Friðrik Sturluson, Pálmi Sigurhjartarson, Sigurður Sigurðsson, Matthías Stefánsson, Sigurgeir Sigmundson og Guðmundur Jónsson, sem hafði upptökustjórn með höndum.
Allir gáfu vinnu sína fyrir þetta verðuga framtak og mun allur ágóði renna til Hjartaverndar.
www.hjarta.is 14.03.2009
