Pálfríður Sigurðardóttir frá Stafholtsey í Borgarfirði hefur glímt við erfið veikindi í rúmlega tíu ár. Hjartað í henni stækkaði stöðugt og afköst þess minnkuðu. Ekki er vitað með vissu hvað olli þessari hjartabilun en læknar telja að hún hafi fengið vírus í hjarta. Pálfríði versnaði ár frá ári og undir það síðasta var virkni hjartans komin niður í 15% og blóðflæði frá því aðeins 10% af því sem eðlilegt er. Neyðin var orðin algjör og eina lausnin voru hjartaskipti. Þess má einnig geta að Pálfríður er einstæð móðir en sonur hennar var aðeins ársgamall þegar hún greindist. Hún hefur verið frá vinnu frá því hún greindist og fjárhagslegur róður því orðinn ansi þungur. Í ágúst á síðasta ári fór Pálfríður til Svíþjóðar og fékk nýtt hjarta.
Nánar er rætt við Pálfríði Sigurðardóttir í Skessuhorni vikunnar sem kom út í dag.
www.skessuhorn.is 02.03.2011
