Dregið hefur úr transfitusýrum í matvælum hér á landi á síðustu árum en fyrrverandi heilbrigðisráðherra varaði fólk við skaðsemi þeirra á Alþingi í síðustu viku.
Í síðustu viku hvatti Siv Friðleifsdóttir, fyrrverandi heilbrigðisráðherra, í ræðu á Alþingi, landsmenn til þess að taka lýsi. Siv sagði lýsið vörn gegn skaðsemi transfitusýra sem óvenju mikið væri af í matvælum hérlendis. Transfitusýrur er svokölluð hert fita og óæskilegar í miklu mæli. Neysla á þeim hækkar blóðkólesteról og eykur þannig líkurnar á hjarta- og æðasjúkdómum.
Ólafur Reykdal matvælafræðingur og verkefnastjóri hjá Matís segir rannsóknir hafa sýnt að dregið hafi úr transfitusýrum í matvælum hér á landi. Þær megi þó enn finna í ýmsum unnum matvælum eins og smjörlíki, kexi, vörum sem hafa verið djúpsteiktar.
www.visir.is 04.02.2008
