Stjórnendur Landspítala hafa náð samkomulagi við Geislafræðinga um vinnufyrirkomulag og hafa með því afstýrt að þeir láti af störfum.
Deilur hjúkrunarfræðinga og geislafræðinga á Landspítalanum voru fyrirferðamikilar í fréttum í apríl. Um 100 hjúkrunarfærðingar og um 40 geislafræðingar hótuðu að segja upp störfum .1 maí vegna óánægju með fyrirhugaðar breytingar á vaktafyrirkomulagi. Degi áður en uppsagnirnar áttu að taka gildi var breytingum á vaktafyrirkomulagi hjúkrunarfræðinganna frestað til 1. maí á næsta ári en fram að því verður unnið að því að ná samkomulagi. Svipað samkomulag var gert við geislafræðinganna fjörutíu, en fresturinn þar var aðeins til 1. júní. Samkomulag í þeirri deilu náðist síðastliðinn fimmtudag.
Björn Zoega, starfandi forstjóri Landspítalans segir ný samþykkt vaktafyrirkomulag vera komið til að vera og taki gildi í lok sumars. Stjórnendur Landspítala sögðu óhjákvæmilegt að breyta vinnufyrirkmulaginu. Björn segir, vinnuloturnar hafi verið ólöglegar samkvæmt vinnutímatilskipunum ESB og íslenskum lögum. Því hafi verið útfært nýtt vinnufyrirkomulag.
Sjá umfjöllun F´rettastofu Rúv um málið hér
www.ruv.is 02.06.2008
