Eggjasala aldrei meiri

EggÁ undanförnum tveimur árum hefur sala á íslenskum hænueggjum aukist gríðarlega. Aldrei fyrr hefur selst meira en einmitt í ár og er þó desember­mánuður varla hálfnaður. Frá þessu er sagt í Bændablaðinu. 

Sú tíð er liðin að mest var selt af eggjum á aðventunni. Núna eru það erlendir ferðamenn sem hafa mest áhrif á framleiðslu og sölu á eggjum auk þess sem breytingar á mataræði hafa sitt að segja.

Lágkolvetnalífsstíll og fjölgun ferðamanna

Þorsteinn Sigmundsson er eggja- og kjúklingabóndi í Elliðahvammi við Elliðavatn og formaður Félags eggjabænda. „Það fór að bera á því fyrir svona tveimur til þremur árum að sala á eggjum fór að aukast. Svo fyrir um ári varð veruleg aukning og við höfum nú tengt þetta við tiltekna lífsstíla í mataræði sem hafa rutt sér til rúms á undanförnum árum, þar sem áhersla er lögð á að hafa lítið af einföldum kolvetnum í fæðunni. Þannig að yngra fólk er aftur orðið að virkum neytendum eggja.“

DEILA
Fyrri greinHeilsuráð Hrundar: Salt
Næsta greinSætuefnið aspartam skaðlaust
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.