Matreiðslumeistarinn Úlfar Finnbjörnsson er hér með enn eina frábæra uppskrift af hátíðarfugli og að þessu sinni er hann léttreyktur.
Ef sá léttreykti hugnast þér ekki þá er hægt er að fara beint í uppskriftarsafn Holta og finna frábærar uppskriftir af óreyktum hátíðarfugli.
Fyrir 4-6
1 léttreyktur hátíðarfugl, u.þ.b. 2,5 kg
3 msk. apríkósusulta
2 dl hvítvín
2 msk. apríkósusulta
Setjið fuglinn í steikarpott ásamt 3 msk. af apríkósusultu og hvítvíni. Leggið lokið á og færið í 160°C heitan ofn í 1,5 klst. Takið þá lokið af steikarpottinum og penslið fuglinn með 2 msk. af apríkósusultunni. Bakið í 10 mínútur í viðbót eða þar til kjarnhiti sýnir 70°C.
Lerkisveppasósa
2 msk. olía
1 askja sveppir í bátum
15 g þurrkaðir lerkisveppir, t.d. frá Holt og heiðar, lagðir í volgt vatn í 20 mínútur
1 dl brandí
2 dl púrtvín
2 dl sveppavatnið
1 msk. nautakjötkraftur
2,5 dl rjómi
Sósujafnari
Salt og nýmalaður pipar
Hitið olíu í potti og steikið sveppina í 2 mínútur. Kreistið þá vatnið af villisveppunum og geymið.
Bætið þá villisveppunum í pottinn og steikið í 1 mínútu. Þá er púrtvíni og brandíi bætt í pottinn og soðið niður í síróp. Hellið sveppavatninu í pottinn ásamt rjóma og sjóðið í 2 mínútur. Þykkið sósuna með sósujafnara og smakkið til með salti og pipar og nautakjötkrafti.
Berið fuglinn fram með sósunni og t.d. sætri kartöflumús, gljáðum gulrótum, rósakáli og trönuberjasultu.
