Matreiðslumaðurinn Úlfar Finnbjörnsson sér um sjónvarpsþáttinn Eldað með Holta á ÍNN. Þar eldar hann ljúffenga rétti úr Holtakjúklingi fyrir áhorfendur.
Þættinir eru auk þess aðgengilegir hér á HjartaTVíinu okkar hér á hjartalif.is auk þess sem hægt er að fara beint í uppskriftarsafn Holta hér.
Í dag færir Úlfar lesendum uppskrift að kjúklingapasta með villisveppum.
2 msk. olía
600 gr. kjúklingalundir frá Holta
200 gr. villisveppir í bátum eða kjörsveppir
1 laukur skorinn í báta
1-2 hvítlauksgeirar, smátt saxaðir
1 búnt steinselja, smátt söxuð
2 dl hvítvín
50 gr. kalt smjör í teningum
600-800 gr. soðið heitt Barilla penne pasta
Salt og nýmalaður pipar
Hitið wokpönnu eða stóran pott og steikið kjúklingalundirnar í 3-4 mínútur í olíu. Bætið þá sveppum, lauk og hvítlauk á pönnuna og steikið í 2 mínútur í viðbót. Þá er hvítvíninu og steinseljunni bætt á pönnuna og vínið soðið niður um 3/4. Takið þá pönnuna af hellunni og bætið smjörinu saman við. Hrærið í með sleif þangað til smjörið hefur bráðnað. Blandið pastanu vel saman við í pönnunni og smakkið til með salti og pipar. Berið réttinn fram með t.d. góðu salati og brauði.
