Hert fita er útlæg af matardiskum New York-búa frá og með deginum í dag, þegar fullt bann við notkun transfitusýra tekur gildi. Neysla transfitusýrum eykur líkur á hjarta- og æðasjúkdómum.
Borgin er sú fyrsta í Bandaríkjunum til að taka upp svo harðar reglur gegn hörðu fitunni, en fimm ár eru síðan transfitusýrur voru bannaðar í Danmörku.
Þrír mánuðir í aðlögun
Bannið sem nú tekur gildi nær til flests matar sem borinn er fram á matsölustöðum. Næstu þrjá mánuði verður kokkum gefið færi á að venja sig við breytingarnar. Njóta þeir þar liðsinnis hjálparlínu á vegum borgarinnar, þurfi þeir hjálp við að framleiða transfitulaust fæði.
Eftir aðlögunartímann mega þeir sem lauma vitlausri fitu í matinn sinn eiga von á 2.000 dala sekt.
Eftir Andrés Inga Jónsson andresingi@24stundir.is
www.mbl.is 01.07.2008
