Siv Friðleifsdóttir, fyrrverandi heilbrigðisráðherra, sakar arftaka sinn, Guðlaug Þór Þórðarson, um að skapa óróleika um Landspítalann og að ætla að einkavæða starfsemi spítalans. Guðlaugur Þór segir þessar ásakanir fráleitar og vísar á bug að einkavæðing standi til.
Ásakanir Sivjar beinast að Guðlaugi Þór en ekki að stjórnendum spítalans eða embættismönnum. Siv segir Guðlaug hafa skapað óróleika um Landspítalann og hann hafi flæmt stjórnendur í burtu. Nú hafi verið sett niður nefnd Vilhjálms Egilssonar sem eigi að skilgreina starfssemina. Yfirlýsingar hafi verið gefnar út um að einkavæða eigi hugsanlega að miklu leyti starfsemi spítalans.
Þetta fari ekki saman við háskólasjúkrahús um að plokka starfsemi burt. Því hafi skapast mikill órói um starfsemi Landspítalans.
Guðlaugur Þór vísar á bug ásökunum Sivjar og segir alrangt að til standi að einkavæða Landspítalann: Þá sé ekki verið að gera grundvallarbreytingar í heilbrigðisþjónustu. Markmiðið sé áfram að heilbrigðisþjónustan sé fyrir all, þjónustan verði á heimsmælikvarða og að góð þjónusta verði enn betri.
Guðlaugur segir sérstaklega vera horft til Svíþjóðar sem fyrirmyndar í því starfi sem nú sé unnið, meðal annars af nefnd Vilhjálms Egilssonar, í þeim tilgangi að nýta betur fjármuni í stefsemi Landspítalans: Enginn áhugi sé á því að breyta heilbrigðisþjónustunni hvað varði aðgengi almennings og landsmanna. Þeir sem haldi öðru fram séu annaðhvort vísvitandi að segja ósatt eða hafa ekki kynnt sér málið.
www.ruv.is 04.05.2008
