Antonio Puerta, leikmaður spænska knattspyrnuliðsins Sevilla, lést í dag af völdum hjartáfalls, aðeins 22 ára að aldri. Puerta hneig niður í leik Sevilla og Getafe á laugardaginn og síðan aftur eftir að honum hafði verið skipt af velli, og var eftir það á gjörgæslu.
Virgen del Rocio sjúkrahúsið í Sevilla staðfesti andlát hans fyrir stundu.
-Auglýsing-
Puerta fæddist 26. nóvember 1984 og er uppalinn hjá Sevilla. Hann hafði leikið með aðalliði félagsins frá 2004 og spilaði sinn fyrsta og eina A-landsleik fyrir Spán á síðasta ári.
www.mbl.is 28.08.2007
-Auglýsing-
