Loftmengun hefur slæm áhrif á hjartað

Loftmengun hefur slæm áhrif á hjartað

Mengun
Mengun

Á síðustu dögum hefur verið rætt um loftgæði og sviryksmengun í Reykjavík en hún hefur stundum verið vandamál að vetri til hér í Reykajvík. Borgin hefur kennt um nagladekkjum en athyglisvert er að skoða rannsókn frá Skotlandi.

Í rannsókninni sem unnin var við Háskólann í Edinborg komust vísindamenn að því að jafnvel lítilsháttar snerting við loftmengun auki innlagnir á spítala og stuðli að hækkaðri dánartíðni hjá hjartabiluðum.

Rannsóknin náði til 12 landa og nærri fjögurra milljóna hjartabilaðra einstaklinga.

Dr. Anoop Shah, vísindamaður í Edinborg, þar sem rannsóknarsetur Bresku hjartasamtakanna (BHF) er staðsett segir:

„Við vissum fyrir að loftmengun tengist aukinni hættu á hjartaáföllum. Rannsóknin bendir til að loftmengun hafi líka áhrif á sjúklinga með hjartabilun.

Við fundum sterk tengsl á milli snertingar við loftmengun, innlagna á sjúkrahús og dauðsfalla af völdum hjartabilunar. Áhrifin eru mest vegna agna sem fylgja útblæstri bifreiða.

Sem dæmi má nefna að í Bretlandi myndi takmörkun á magni hættulegra agna í andrúmslofinu hugsanlega geta lengt ævilíkur um allt að átta mánuði.

Haft er eftir Joseph Clift starfsmanni hjartasamtakanna Bresku, „það er mikilvægt að stjórnvöld í Bretlandi komi til móts við markmið Evrópusambandsins um loftgæði. Ávinningurinn kæmi sér ekki bara vel fyrir hjartabilaða heldur myndi þetta einnig leiða til lækkunar á kostnaði fyrir heilbrigðiskerfið og bæta efnahag þjóðarinnar í heild sinni“.

Ekki fylgir sögunni hvort nagladekk voru notuð í þeim löndum þar sem málið var skoðað en það verður þó að teljast ólíklegt.

Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.