Miðasala er í fullum gangi á midi.is á styrktartónleika til handa Hjartagáttinni – bráðamóttöku brjóstverkja á Hringbraut sem haldnir verða í Gamla bíói þriðjudaginn 27 maí kl 20:00.
Það stefnir allt í hörkugóða tónleika og mikla gleði. Okkur langar til að benda öllum þeim sem vilja styrkja þetta mikilvæga málefni að hér er hægt að kaupa miða á tónleikana á midi.is og leggja með því Hjartagáttinni lið.
Hjartagáttin er er bráðamóttakan sem við hjartafólk þurfum að standa vörð um og efla með öllum tiltækum ráðum, þar vinnur frábært starfsfólk við oft erfiðar aðstæður.
Njótum þess að hlusta á góða tónlist sem rannsóknir hafa sýnt að hefur góð áhirf á hjartastarfsemina, hlæjum og gleðjumst saman en rannsóknir hafa einnig sýnt að sé gott fyrir hjartað og síðast en ekki síst, sýnum hjartagæsku og leggjum mikilvægu málefni lið.
Fyrir þá sem ekki komast á tónleikana höfum við opnað símanúmer sem hægt er að hringja í og leggja málefninu lið.
Símanúmerin eru:
907-3001 og þú styrkir Hjartagáttina um 1000 kr.
907-3003 og þú styrkir Hjartagáttina um 3000 kr.
907-3005 og þú styrkir Hjartagáttina um 5000 kr.
Fram koma á tónleikunum :
Pétur Jóhann Sigfússon
Bubbi Morthens
Ellen Kristjánsdóttir
Berglind Björk Jónasdóttir
Helgi Björnsson
Jakob Fríman Magnússon
Andrea Gylfadóttir
Geir Ólafsson
Thin Jim ásamt Fabúlu og Páli Rósenkranz
Kynnir: Guðmundur Steingrímsson
