Goðsögnin um Rauðvínið

Lengi hafa sérfræðingar haft mismunandi skoðanir á því hvort vín sé gott fyrir hjartað eða ekki.

Margir taka kipp þegar birtast fréttir af því að rauðvín sé allra meina bót, ekki síst fyrir hjartað. Þetta er goðsögn því það skiptir engu máli hvort drukkið er hvítt, rautt , bjór eða sterkt vín, samkvæmt því sem kemur fram í bókinni Heart 411 sem fjallar um Goðsagnir tengdar hjartanu og er skrifuð af tveim læknum sem starfa á Cleveland Clinic. Þeir skoðuðu málið og könnuðu hvað bjó þar að baki.

„Þegar upp er staðið eru í rauninni ekkert sem bendir til þess að rauðvín sé betra fyrir hjartað en aðrir drykkir sem innihalda alkahól,“ segir Dr. Nissen.

„Það eru hinsvegar gögn sem sýna að hófleg neysla áfengis sama hvað vín er drukkið -rauðvín, hvítvín, bjór eða sterkt vín- geti komið að gagni til að fyrirbyggja hjarta og æðasjúkdóma. Það gerist með því að áfengi hækkar góða kólesterólið HDL.

Goðsögnin eða mýtan um rauðvínið kemur frá hinni svokölluðu Frönsku þversögn, að Frakkar drekki mikið rauðvín og þeir hafi tiltölulega lága tíðni hjartasjúkdóma, þrátt fyrir þá staðreynd að þeir borði mikla fitu. Fólk byrjaði að halda að það væri rauðvínið sem verndaði þá.

Það hafa verið gerðar lítilsháttar rannsóknir á dýrum sem sýna að efnið reservatol sem finnst í rauðvíni virðist hafa verndandi áhrif á mýs.

Það sem almenningur náði ekki var að vísindamennirnir gáfu músunum þúsund sinnum meira reservatol en mannfólkið fengi nokkru sinni með því að drekka rauðvín, og það hefur ekki tekist að sýna fram á sömu niðurstöður í öðrum rannsóknum.

Auglýsing

Þegar allt kemur til alls mælum við ekki með því að fólk fari að drekka áfengi til þess að vernda hjartað. En ef þú drekkur glas eða tvö af víni á dag, miðað við þína líkamsþyngd, getur það flokkast undir það að vera gott fyrir hjartað.“

Við þetta má bæta að ný rannsókn sem birt var í vikunni bendir til að of mikil áfengisneysla geti aukið líkur á hjarta og æaðsjúkdómum. Fyr­ir hverj­ar 12,5 áfengisein­ing­ar sem fólk neyt­ir um­fram neyslu­viðmið aukast lík­urn­ar á heila­blóðfalli um 14%, lífs­hættu­lega háum blóðþrýst­ingi um 24%, hjarta­bil­un um 9% og hjarta­áfalli um 15%. Sam­kvæmt ný­leg­um bresk­um viðmiðum um áfeng­isneyslu er mælt með að fólk neyti ekki meira en 14 áfengisein­inga á viku, það er meira en sex stórra bjóra eða sjö vínglasa.

Björn Ófeigs.

Munið eftir að læka við okkur á Facebook

 

Auglýsing