Gordon Brown, forsætisráðherra Bretlands, hefur komið af stað miklum deilum í Bretlandi með tillögum um að læknar fái leyfi til að taka líffæri úr látnum einstaklingum án þess að hafa til þess leyfi hinna látnu.
Brown segir þetta muni bjarga lífi þúsunda sjúklinga sem bíða nýrra líffæra. Svo framarlega sem hinir látnu hafi ekki beinlínis bannað að líffæri þeirra yrðu notuð væri ekkert til fyrirstöðu að nýta þau, segir Brown.
-Auglýsing-
Hann segir breytingarnar myndu gera það að verkum að langir biðlistar væru úr sögunni og bendir á Spán sem fyrirmynd þar sem reglur eru með þeim hætti að hlutfallslega flest líffæri látna eru nýtt.
Þetta er þó talið líklegt til að vekja upp mikil mótmæli sjúklinga og annarra hópa í Bretlandi.
www.eyjan.is 13.01.2008
-Auglýsing-
