Benecol í baráttunni við kólesteról

Benecol er náttúrulegur mjólkurdrykkur sem ætlaður er þeim sem vilja lækka kólesteról í blóði. Benecol kom fyrst á markað í Finnlandi sem vopn í baráttunni gegn of háu kólesteróli hjá þjóðinni og sló svo rækilega í gegn að nauðsynlegt reyndist að skammta það til neytenda fyrst um sinn. 

Kólesteról er ein tegund blóðfitu og gegnir ýmsum mikilvægum hlutverkum í líkamanum. Það er framleitt í lifrinni en berst einnig með fæðunni í líkamann. Ef kólesterólmagn í blóði eykst umfram þörf getur það valdið æðakölkun og kransæðasjúkdómum. Algengi of hás kólesteróls eykst með aldri en engu að síður getur þetta vandamál getur herjað á fólk á öllum aldri og í öllum þyngdarflokkum og yfirleitt verður fólk engra einkenna vart. Því er mikilvægt að þeir sem komnir eru á fullorðinsár láti fylgjast með blóðfitunni hjá sér. Æskilegt að heildarkólesteról í blóði sé undir 5 mmól/l og allt yfir 6 mmól/l telst hátt kólesteról.

Hvað er Benecol?
Á undanförnum áratug eða svo hafa komið fjölmörg matvæli á markað víða erlendis undir vöruheitinu Benecol. Benecol er skrásett vörumerki fyrir vörur sem innihalda ákveðna gerð plöntustanólesters, en rannsóknir hafa sýnt að hann hefur áhrif til lækkunar kólesteróls í blóði. Þessi plöntustanólester var framan af einkum notaður í smjörlíki ýmiss konar en í seinni tíð hafa komið fram léttari afurðir með plöntustanólester, til að mynda jógúrtdrykkir á borð við þann sem MS framleiðir undir vörumerkinu Benecol.

Benecol er náttúrulegur mjólkurdrykkur sem ætlaður er þeim sem vilja lækka kólesteról í blóði. Of hátt kólesteról í blóði er einn af helstu áhættuþáttum kransæðasjúkdóma og er því afar mikilvægt að halda kólesterólgildum innan eðlilegra marka. Mataræði er einn þeirra þátta sem hafa áhrif á magn kólesteróls í blóði. Benecol frá MS er sýrð undanrenna sem inniheldur 5% plöntustanólester, og hentar vel í baráttunni gegn kólesteróli sem hluti af fjölbreyttu mataræði. Rannsóknir hafa sýnt fram á að mun betri árangur næst sé Benecols neytt með eða strax eftir máltíð en ef þess er neytt á fastandi maga. Því er mælt með að neyta Benecols í kringum einhverjar af máltíðum dagsins (t.d. morgunverð, hádegisverð eða kvöldverð).

Plönustanólester í Benecol lækkar kólesteról
Fjölmargar vísindarannsóknir hafa verið gerðar á áhrifum plöntustanólesters á kólesteról í blóði. Niðurstöður eru einróma á þá leið að neysla plöntustanólesters lækkar blóðkólesteról, hvort sem um er að ræða klínískar rannsóknir á fólki eða dýratilraunir. Kemur lækkunin yfirleitt fram nokkrum vikum eftir að neysla hefst og er allt að 15% að meðaltali. Sýnt hefur verið fram á að plöntustanólester stuðlar að kólesteróllækkuninni með því að hindra upptöku á kólesteróli úr fæðu í þörmum. Lækkunin er einkum í heildarkólesteróli og hinu svokallaða „vonda kólesteróli“ (LDL), en engar breytingar verða í „góða kólesterólinu“ (HDL). Rannsóknir hafa einnig sýnt að mikilvægt er að neyta vörunnar reglulega til að árangurinn haldist og sé neyslu hætt, fer kólesterólgildi aftur í fyrra horf.

Hverjir eiga að neyta Benecols?
Benecol er ætlað þeim sérstaklega sem vilja halda kólesteróli innan eðlilegra marka. Það hentar mjög vel sem hluti af mataræðisbreytingu sem oft er ráðlögð þegar kólesteról hækkar umfram æskileg gildi. Ýmsar rannsóknir benda til að Benecol henti vel með kólesteróllækkandi lyfjum. Þó er ráðlegt að þeir sem eru á slíkum lyfjum og hyggjast neyta Benecols geri það í samráði við sinn lækni.

Mataræði og kólesteról
Eins og áður hefur komið fram er mataræði meðal þeirra þátta sem hafa áhrif á magn kólesteróls í blóði. Meðal þess sem ráðlagt er til að lækka kólesteról er að stilla fituneyslu í hóf, velja frekar mjúka fitu en harða og neyta grænmetis, ávaxta og grófs kornmetis í ríkum mæli.

Heimild: vefsíða MS

Nánari upplýsingar um Benecol og virkni þess má finna hér inn á vef MS.