Það er staðreynd að það kemur fyrir að fólk deyr sem er á biðlistum eftir hjartaþræðingu. Við viljum ekki að sú sé raunin og þess vegna mælum við eindregið með því að almenningur leggi þessu bráðnauðsynlega átaki lið.
Með því að leggja málefninu lið erum við líka að styrkja umhverfi hjartasérfræðinganna sem starfa á LSH þar sem þeir fá betri tæki í hendurnar til að halda áfram að bjarga mannslífum.
Sú staðreynd stuðlar að ánægju þeirra starfi, laðar að og eykur líkur á því að við búum við vel mannaðar hjartadeildir til framtíðar. Með því að styðja átakið leggjum við okkar að mörkum til að styrkja öryggisnet hjartasjúkra sem og aðstandenda þeirra.
Átakið
Hjartaheill og Neistinn hafa hrundið af stað átakinu: Styrkjum hjartaþræðina, til söfnunar fyrir nýju hjartaþræðingartæki á hjartadeild Landsspítalans.
Elsta hjartaþræðingartæki á Landspítalanum er nú orðið 16 ára gamalt og aðeins tímaspursmál hvenær notkun þess verður alfarið hætt. Í dag eru 260 manns á biðlista eftir hjartaþræðingu sem er algerlega óviðunandi ástand.
Með nýju tæki er hægt að stytta biðlistana og auka lífsgæði fjölda fólks sem nú býr við mikla óvissu. Rúmlega 700 Íslendingar látast árlega af völdu hjarta- og æðasjúkdóma og 50 til 70 börn fæðast árlega með hjartagalla. Hjartadeildin þarf nauðsynlega að eignast nýtt hjartaþræðingartæki en þar eru framkvæmdar um 200 aðgerðiri í hverjum mánuði.
Biðlað er til landsmanna um að leggja fé til söfnunarinnar, en það er hægt með þrennum hætti: greiða valgreiðslu í heimabanka, hringja í styrktarsíma, eða leggja beint inn á reikning söfnunarinnar ef um hærri fjárhæðir er að ræða.
LEIÐ 1:
Valgreiðslur munu birtast í heimabönkum elsta íbúa hvers heimilsfangs á næstu dögum.
LEIÐ 2
Styrktarsímanúmer
907 1801 – 1000 kr. framlag
907 1803 – 3000 kr. framlag
907 1805 – 5000 kr. framlag
LEIÐ 3
Leggja inn á reikning. Hentar fyrirtækjum og öðrum sem vilja láta meira af hendi rakna.
0513 – 26 – 1600.
