Miðjarðarhafsmataræði gott gegn þunglyndi

Matur MiðjarðarhafsinsSamkvæmt frétt á Daily Mail þá hefur Miðjarðarhafsmataræðið önnur góð áhrif en að vera gott fyrir hjartaheilsuna. Ný rannsókn hefur leitt í ljós að það getur minnkað hættuna á þunglyndi.

Það er vitað að Miðjarðarhafsmataræðið sé gott fyrir hjartaheilsuna, en nú sýna niðurstöður rannsókna að það geti einnig minnkað þunglyndi.

Spænskir rannsakendur fylgdu eftir 4000 manns á aldrinum 55 til 80 ára í 4 ár. Sumir voru á miðjarðarhafsmataræðinu, sem inniheldur mikið af ávöxtum, grænmeti, grófu korni, ólífuolíu og hnetum. Aðrir voru á mataræði sem innihélt litla fitu. Á þessum tíma þá þróuðu yfir 200 manns af þessum hópi með sér þunglyndi.

Miðjarðarhafsmataræðið minnkaði hættuna verulega og mest meðal karla með sykursýki, eða um 41%, en rannsóknin birtist í the journal BMC Medicine.

Miðjarðarhafsmataræðið er talið minnka bólgur. Bólgur koma í veg fyrir seytingu efnis í heila sem kallast taugavaxtarþáttur (e. neurotrophic factor) en það er einmitt minna af þessu efni í einstaklingum með þunglyndi sem gæti útskýrt niðurstöður rannsóknarinnar.

Þýtt og endursagt af Daily Mail.

Auglýsing

Hanna María Guðbjartsdóttir