fbpx
-Auglýsing-

Úrbeinaður og fylltur hátíðarfugl með kryddjurtasósu

Úrbeinadur hátidarfugl með kryddjurtasósuMatreiðslumeistarinn Úlfar Finnbjörnsson er hér með frábæra uppskrift að úrbeinuðum og fylltum hátíðarfugli með kryddjurtasósu.  

Þátturinn þar sem fuglin er eldaður verður sýndur á ÍNN í kvöld. Auk þess minnum við á uppskriftarsafn Holta hér á síðunni en þar má finna fullt af frábærum uppskriftum.  

Fyrir 5-7

1 úrbeinaður ferskur hátíðarfugl u.þ.b. 2,5 kg (sjá úrbeiningu í þættinum Eldað með Holta á ÍNN í kvöld)
3 dl brauðfylling frá t.d. Herb Seasoned stuffing frá Pepperidge Farm
1 dl hvítvín
1 egg
300 g alifuglahakk
1 dl furuhnetur
1 msk. timjan
0,5 msk. rósmarín
0,5 msk. salvía
2 msk. olía
1 laukur, smátt saxaður
2-3 sellerístilkar, smátt saxaðir
Salt og nýmalaður pipar

- Auglýsing-

Setjið brauðfyllinguna í skál ásamt hvítvíni, eggi, timjan, rósmarín og salvíu og blandið vel saman. Bætið hakkinu ásamt furuhnetunum saman við og kryddið með salti og pipar. Hitið olíu á pönnu og steikið lauk og sellerí í 2 mínútur án þess að brenna. Blandið vel saman við allt sem er í skálinni. Kryddið fuglinn að innan og utan með salti og pipar. Setjið fyllinguna inn í fuglinn og saumið vel saman með seglgarni. Færið fuglinn í ofnskúffu og bindið leggina saman. Bakið við 160°C Í 1,5 klst.

Kryddjurtasósa

- Auglýsing -

2 msk. olía
1,5 laukur, smátt saxaður
1-2 hvítlauksgeirar, smátt saxaðir
1 msk. rósmarínnálar
1 msk. timjanlauf
1 lárviðarlauf
0,5 tsk. salvía
2 dl. hvítvín
3 dl. kjúklingasoð eða vatn og kraftur
1,5 dl rjómi

Sósujafnari

30 g kalt smjör í teningum
Salt og nýmalaður pipar

Hitið olíu í potti og kraumið lauk, hvítvín, rósmarín, timjan, salvíu og lárviðarlauf í 1 mínútu án þess að brenna. Bætið hvítvíni í pottinn og sjóðið niður í síróp. Þá er soði og rjóma bætt í pottinn og þykkt með sósujafnara. Takið þá pottinn af hellunni og bætið smjörinu saman við. Hrærið þar til smjörið hefur bráðnað. Smakkið til með salti og pipar. Berið fuglinn fram með sósunni og t.d. bökuðu rótargrænmeti og kartöflum.

Auglýsing
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-