fbpx
-Auglýsing-

Kraftaverkastrákur færir Neistanum gjöf

Óskar og Finnbogi ÖrnKraftaverkastrákurinn Finnbogi Örn færir Neistanum, styrktarfélagi hjartaveikra barna gjöf í þakklætisskyni fyrir stuðningin í veikindum sínum en frá þessu er sagt á vef bb.is. 

Hlauparinn Óskar Jakobsson lauk átakinu Hlaupið heim þar sem hann hljóp frá Reykjavík til Ísafjarðar í júní og safnaði áheitum til styrktar kraftaverkastráknum Finnboga Erni Rúnarssyni úr Hnífsal sem hefur barist hetjulega í veikindum sínum.

Tilgangur hlaupsins er að vekja athygli á stöðu langveikra barna og foreldra þeirra og jafnframt að safna fé í styrktarsjóðinn Hlaupið heim en kveikjan að honum var einmitt Finnbogi Örn. Hann hefur gengið í gegnum miklar raunir á sinni stuttu ævi og hefur síðasta ár verið honum og fjölskyldu hans sérlega erfitt.

Finnbogi Örn fór í hjartaaðgerð til Svíðþjóðar í apríl fyrir  rúmu ári síðan þar sem gert var við hjartaloku. Viðgerðin gekk vel en aðgerðin tók mjög á Finnboga og var hann lengi að jafna sig.

Stóra áfallið reið svo yfir 1.desember s.l. en þá fékk Finnbogi Örn heilablóðfall. Hann lamaðist á hægri hlið líkamans, missti málið ofl. Rifa hafði komið á ósæð sem olli blóðtöppum,

- Auglýsing-

Finnbogi var í lífshættu en áhættan við aðgerð var svo mikil að það var ekki reynandi. Finnbogi Örn lá á Barnaspítala Hringsins fram að jólum en þá virtist sem skemmdin á ósæðinni hafi lagast að einhverju leyti af sjálfu sér, sem telst í raun kraftaverk.

„Söfnunin gekk vonum framar og viljum við öll sem stóðum að átakinu þakka kærlega fyrir frábær viðbrögð. Áður en lagt var í hann sammæltumst við um að láta Neistann, félag hjartveikra barna njóta einhvers hluta fjárins.

- Auglýsing -

Á föstudaginn var afhentum við þeim styrk upp á kr 250 þúsund krónur. Neistinn reyndist Finnboga og fjölskyldu hans vel í veikindunum og fannst þeim gott að geta gefið til baka. Við vonum að styrkurinn eigi eftir að nýtast þeim vel,” segir Óskar.

Mynd af vef Víkari.is

 

Auglýsing
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-