Rauðvín ekki bara gott fyrir hjartað

RauðvínÞað hefur löngum verið talið að glas af rauðvíni geti verndað okkur fyrir allskyns kvillum, þ.á.m hjarta og æðasjúkdómum og minnisleysi.

Nú hafa vísindamenn komist að því að það getur jafnvel verndað okkur gegn heyrnarmissi, að því er fram kemur í Mail Online.

Það er talið að efnið reservatol sem finna má í rauðum vínþrúgum og rauðvíni sé ástæðan.

Þetta er sama efnasambandið og talið er hafa jákvæð heilsufarsleg áhrif eins og á krabbamein í þörmum og hjartasjúkdóma .

Í rannsókn sem framkvæmd var við Henry Ford sjúkrahúsið í Detroit, kom í ljós að heilbrigðar rottur voru ólíklegri til að þjást af hávaðatengdu heyrnarleysi þegar þeim var gefið reservatol áður en þær voru settar inn í mikinn hávaða í langan tíma.

Í síðasta mánuði tilkynntu vísindamenn í Hebreska Háskólanum í Jerúsalem að með því að skola helgarsteikinni niður með rauðvínsglasi sé hægt að koma í veg fyrir að kólesteról byggist upp í líkamanum.

Auglýsing

það er því útlit fyrir að við ættum að geta notið helgarinnar með steik á disknum og rauðvínsglas í hendi með góðri samvisku.

Góða helgi