fbpx
-Auglýsing-

Hjartalínurit sent beint úr sjúkrabíl

48894042f45bca3e1992cfd7690bf27fÁ dögunum var tekinn í notkun upphringibúnaður við hjartasuðtæki í sjúkrabílnum á Fáskrúðsfirði. Búnaðurinn er gjöf frá Loðnuvinnslunni hf.

Bíllinn á Fáskrúðsfirði er sá fyrsti á Austurlandi sem hefur slíkan búnað en búnaðurinn gerir sjúkraflutningamönnum kleyft að senda hjartalínurit og upplýsingar um ástand sjúklings samstundis úr bílnum til Hjartagáttarinnar á Landspítalanum og til vakthafandi læknis hjá Heilbrigðisstofnun Austurlands.

Þetta gerist um leið og línuritið er tekið í sjúkrabílnum og með því geta vakthafandi læknar strax metið ástand sjúklings í sjúkrabílnum áður en hann kemur á heilbrigðisstofnun, undirbúið móttöku hans og gefið fyrirmæli um meðferð á meðan á flutningi stendur.

Þessi búnaður er ekki staðalbúnaður í sjúkrabílum á Íslandi, en er kominn í bíla á nokkrum stöðum á landinu en búnaðurinn eykur mjög á öryggi sjúklinga og bætir starfsaðstöðu sjúkraflutningamanna.

- Auglýsing-

Á Austurlandi taka sjúkraflutningar að jafnaði lengri en í stærri byggðarlögum vegna vegalengda.

Í flestum tilfellum er áfangastaður hjartasjúklinga á Austurlandi Fjórðungssjúkrahúsið í Neskaupstað eða Landspítalinn í Reykjavík.

- Auglýsing -

Sagt er frá þessu á vef Loðnuvinnslunnar.

Myndion er af vefnum sjukrabill.is

Auglýsing
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-