fbpx
-Auglýsing-

Breytileiki í geni veldur ósæðarkölkun

iStock 000017324827XSmallVísindamenn hjá Hjartavernd hafa fundið breytileika í geni sem veldur kölkun og þrengingum í ósæðarlokum hjartans. Þeir sem eru með erfðabreytileikann eru tvöfalt líklegri til að fá sjúkdóminn.

Sagt er frá rannsókn vísindamanna Hjartaverndar og Háskóla Íslands í samvinnu við alþjóðlegt teymi vísindamanna í nýjasta hefti New England Journal of Medicine sem er eitt virtasta læknisfræðitímarit í heimi.

Ósæðarþrengsli er hjartasjúkdómur sem hrjáir um 2% þeirra sem eru 65 ára og eldri og eykst tíðni sjúkdómsins verulega með aldrinum. Sjúkdómurinn er mjög hamlandi fyrir fólk því hjartað getur ekki pumpað blóði eðlilega út í líkamann.

„Það verður alltaf erfiðara og erfiðara. Hjartavöðvinn þykknar og veikist og fólk fær hjartabilun og oft er eina úrræðið einhverskonar inngrip,“ segir Vilmundur Guðnason, prófessor og forstöðulæknir Hjartaverndar.

- Auglýsing-

6900 manns tóku þátt í rannsókninni og þar af 3000 Íslendingar, sem tekið hafa þátt í öldrunarrannsókn Hjartaverndar. Erfðabreytileikinn í geninu hækkar magn ákveðins fitupróteins í blóðinu. „Og þetta prótein hefur verið tengt við kransæðasjúkdóm og hefur verið tengt við ósæðalokuþrengsl þótt aldrei hafi tekist að sýna fram á orsakasamband þar fyrr en núna í þessari rannsókn.“

Niðurstöður rannsóknarinnar staðfesta því í fyrsta sinn að þessi erfðabreytileiki í geninu veldur kölkun í ósæðarloku og ósæðarþrengslum. Þeir sem eru með þennan breytileika eru í tvöfalt meiri hættu á fá sjúkdóminn. „Við skiljum núna kannski einn þann fyrsta þátt sem á þátt í þessari þrengingu og það gerir okkur kleift að fara ákveðnar brautir í því að finna meðferð,“ segir Vilmundur.

- Auglýsing -

Hægt er að sjá myndskeið með fréttinni hérna

www.ruv.is  08.02.2013

Auglýsing
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-